“Issiqlikta’minoti” AJ va Osiyo taraqqiyot banki o‘rtasida hamkorlik loyihalari muhokama qilindi

Bugun “Issiqlikta’minoti” AJ rahbariyati Osiyo taraqqiyot banki vakillari bilan uchrashuv o‘tkazdi. Unda, amaldagi Navoiy, Toshkent va Farg‘ona viloyatlarida markazlashgan issiqlik ta’minoti tizimlarini modernizatsiya qilish loyihasi (269 mln AQSH dollari) bo‘yicha 2026 yilning yakuniga qadar qarz bitimini imzolashga kelishib olindi.

Bundan tashqari, 2027-2028 yillarda respublika issiqlik ta’minoti tizimini to‘liq raqamlashtirishga doir tashabbus hamkorlik loyihalari portfeliga qo‘shildi.

Shuningdek, soha xodimlarning malakasini oshirish, Jizzax, Sirdaryo va Namangan viloyatlarida markazlashgan issiqlik tizimlarini modernizatsiya qilishga qaratilgan loyihalar yuzasidan ham ish olib boriladigan bo‘ldi.