Navoiyda 20 ta qozonxona Jamiyat tizimiga o‘tkazildi

Navoiy viloyatida issiqlik ta’minoti tizimi faoliyatini takomillashtirish va qozonxonalardan samarali foydalanish borasida muhim qadam tashlandi.

Prezident qaroriga asosan viloyatdagi 12 ta boshqaruv tashkiloti balansida bo‘lgan 20 ta lokal qozonxona issiqlik ta’minoti tizimiga o‘tkazildi.

Ishchi guruh ishtirokida qozonxonalar xatlovdan o‘tkazilib, tegishli hujjatlar rasmiylashtirildi. Natijada, BSK va UJMSH balansidagi 20 ta qozonxona Navoiy viloyati “Issiqlik ta’minoti” MCHJ tasarrufiga qabul qilindi.

“Hozirda barcha qozonxonalarimiz kuz-qish mavsumiga tayyor. Albatta, qozonxonalarni mavsumga tayyorlash bilan ishimiz tugamaydi. Eng muhimi, qish davomida ularning bir maromda ishlashini ta’minlash, issiqlik yetkazib berishda uzilishlarga yo‘l qo‘ymaslik. Shu bois qozonxonalar faoliyati doimiy nazoratda” - deydi, Jamiyatning Qozonxonalar filiali boshlig‘i J.Ismayilov.

Endilikda asosiy e’tibor qozonxonalarning barqaror ishlashini ta’minlash, yuzaga kelishi mumkin bo‘lgan nosozliklarning oldini olish hamda iste’molchilarga sifatli va uzluksiz issiqlik yetkazib berishga qaratiladi.