Navoiy shahrida issiqlik taʼminoti tizimida olib borilgan taʼmirlash ishlari yakunlangach ayrim hududlarda kuzatilgan nosozliklar mutaxassislar tomonidan qisqa fursatda bartaraf etildi

Navoiy viloyati “Issiqlik taʼminoti” MCHJning malakali avariya-taʼmirlash brigadalari tomonidan yuzaga kelgan holatlar joyiga chiqib o‘rganildi, muammolarning kelib chiqish sabablari aniqlanib, zarur tiklash ishlari tezkorlik bilan amalga oshirildi.

Ko‘rilgan amaliy choralar natijasida issiqlik tarmoqlarining barqaror ishlashi to‘liq tiklanib, aholi xonadonlari hamda ijtimoiy soha obyektlariga issiqlik energiyasi yetkazib berilishi taʼminlandi.

Bugungi kunda tizim doimiy nazorat ostiga olinib, isteʼmolchilarga sifatli va ishonchli xizmat ko‘rsatish borasidagi ishlar izchil davom ettirilmoqda.