Samarqand viloyati "Issiqlik taʼminoti" MCHJ rahbariyati tomonidan sayyor qabul o‘tkazildi
Bugun Samarqand viloyati "Issiqlik taʼminoti" MCHJ rahbariyati boshchiligida Bulung‘ur tumani Olmazor mahallasida sayyor qabul bo‘lib o‘tdi. Qabul davomida aholi vakillari issiqlik taʼminoti bo‘yicha turli muammolar va takliflar bilan murojaat qilishdi. Mazkur murojaatlar har biri alohida o‘rganib chiqildi hamda ularga batafsil javob berildi.
Qabul davomida berilgan barcha takliflar va murojaatlar ijobiy hal etilishi bo‘yicha tegishli tashkilotlar va bo‘limlarga topshiriqlar berib borildi. Bu tadbir aholining huquq va manfaatlarini himoya qilish hamda ularning muammolarini tezkor hal etishga qaratilganligi bilan ahamiyatlidir.
Aholi vakillarining fikr-mulohazalari asosida olib borilgan ishlar natijasida mazkur hududda issiqlik taʼminotidagi kamchiliklarning bartaraf etilishi taʼminlanadi.
Barcha masalalar ijobiy yechim topishi uchun zarur choralar ko‘rilmoqda.
