Yangilik
02.10.2026
Navoiy shahrida kuz-qish mavsumini betalafot o‘tkazish, aholini barqaror va sifatli issiqlik bilan ta’minlash maqsadida amaliy ishlar jadallik bilan davom ettirilmoqda
Ayni kunlarda issiqlik tarmoqlari, qozonxonalar va boshqa muhim infratuzilma obyektlarida ta’mirlash, yangilash va sozlash ishlari olib borilmoqda.
Mutasaddilar ishlarning borishini joyiga chiqib ko‘zdan kechirdi. O‘rganish davomida har bir obyektning tayyorgarlik holati, bajarilayotgan ishlarning sifati va mavjud kamchiliklar atroflicha tahlil qilindi.
Mas’ullarga har bir obyektni belgilangan muddatda to‘liq shay holatga keltirish bo‘yicha qat’iy topshiriqlar berildi.
