«Issiqlikta’minoti» AJ hamda Belarus Respublikasining «GSKB» OAJ vakillari o‘rtasida uchrashuv bo‘lib o‘tdi

«Issiqlikta’minoti» aksiyadorlik jamiyati boshqaruvi raisi Ilhom To‘rayev Belarus Respublikasining 50-yildan ortiq tajribaga ega, issiqlik energetikasi sohasidagi eng yirik va yetakchi korxonalaridan biri – «GSKB» OAJ (Golovnoye spetsializirovannoye konstruktorskoye byuro) vakillari bilan uchrashuv o‘tkazdi.

Uchrashuvda mehmonlar Belarus kompaniyasining ko‘p yillik tajribasi, ishlab chiqarish quvvatlari, zamon talablariga mos issiqlik va qozonxona uskunalari hamda ko‘rsatilayotgan muhandislik-texnik xizmatlar taqdimotini o‘tkazdilar.

Ushbu kompaniya nafaqat issiqlik ta’minotiga doir uskunalar ishlab chiqarish, balki loyihalashdan tortib qurilish-montaj, sozlash, ishga tushirish hamda kafolatli servis xizmatlarini ko‘rsatish bo‘yicha ham boy tajribaga ega.

Uchrashuv yakunida Jamiyat boshqaruvi raisi sohada energiya samaradorligini oshirish, resurs tejovchi texnologiyalarni keng joriy etish hamda mavjud issiqlik infratuzilmasini modernizatsiya qilishda xorijiy tajriba va innovatsion yechimlardan foydalanish muhim ahamiyatga ega ekanini alohida ta’kidladilar.

Tomonlar o‘zaro manfaatli hamkorlik istiqbollarini atroflicha muhokama qildilar.