Jizzax shahrida kogeneratsiya texnologiyasi asosida ishlovchi RK-1 qozonxonasi qurilish ishlari davom etmoqda

Jizzax shahrida kogeneratsiya texnologiyasi asosida ishlovchi yangi RK-1 qozonxonasi qurilish ishlari davom etmoqda. “Issiqlikta’minoti” AJ boshqarma boshlig‘i Ulug‘bek O‘ktamov qurilish jarayonin o‘rganilib, amalga oshirilayotgan ishlar holati ko‘zdan kechirdi.

Loyiha doirasida yangi issiqlik tarmoqlarini qurish, shuningdek, ko‘p qavatli uylarga individual issiqlik punktlari (IIP) o‘rnatish ishlari amalga oshirilmoqda.

RK-1 qozonxonasining quvvati 25 MVtni tashkil etadi.

Mazkur qozonxona orqali 78 ta ko‘p qavatli uy va 10 ta ijtimoiy soha obyektini issiqlik bilan ta’minlash ko‘zda tutilgan.

📌 Loyiha doirasida:

🔵12,7 km issiqlik tarmog‘i tortildi;

🔵57 ta individual issiqlik punkti (IIP) o‘rnatildi;

🔵 4 ta markaziy issiqlik punkti o‘rnatildi;

🔵 53 ta uyda ichki tizim bo‘yicha ishlar yakunlandi.

Ayni paytda qozonxona hududida qurilish-montaj ishlari davom etmoqda.