Issiqlik tizimlariga Koreya texnologiyasi o‘rnatilmoqda

Angren shahridagi 6-son markaziy isitish shahobchasida "Issiqlikta’minoti" AJ hamda Koreya Respublikasining "HSCMT CO. LTD." kompaniyasi o‘rtasidagi hamkorlik doirasida modernizatsiya va texnik yangilash ishlari olib borilmoqda.

Shahobchaning mavjud uskunalari texnik ko‘rikdan o‘tkazilib, zamonaviy elektr boshqaruv va avtomatlashgan tizimlar o‘rnatildi. Issiqlik tarmoqlaridagi quvur va jihozlarni ta’mirlash, payvandlash hamda montaj qilish ishlari amalga oshirildi.

Mazkur ishlardan asosiy maqsad issiqlik ta’minoti tizimining ishonchliligi va samaradorligini oshirish, zamonaviy boshqaruv tizimlarini joriy etish hamda kuz-qish mavsumida iste’molchilarga sifatli va barqaror issiqlik energiyasi yetkazib berishni ta’minlashdan iborat.