Farg‘onada sayyor qabul o‘tkazildi

Farg‘ona viloyatida “Issiqlikta’minoti” AJ mas’ul mutasaddilari ishtirokida sayyor qabul o‘tkazildi.

Fuqarolar tomonidan turli masalalar yuzasidan murojaat va takliflar bildirildi. Ularning asosiy qismini issiqlik ta’minoti xizmatlari bo‘yicha yuzaga kelgan qarzdorlik masalalari tashkil etdi.

Shuningdek, qayta hisob-kitob qilish, issiq suv ta’minoti va xizmat ko‘rsatish sifati bilan bog‘liq masalalar ham ko‘rib chiqildi.

Aholi murojaatlari mas’ullar tomonidan o‘rganilib, hal etish bo‘yicha tegishli vazifalar belgilab olindi.

“Issiqlikta’minoti” AJ aholi bilan ochiq muloqotni davom ettirib, murojaatlarda ko‘tarilayotgan masalalarni manzilli hal etish choralarini ko‘radi.