Chirchiqda sayyor qabul bo‘lib o‘tmoqda
Bugun, Chirchiq shahar “Amir Temur” MFY hududida joylashgan “Xalq qabulxonasi” binosida “Issiqlikta’minoti” AJ rahbariyatining navbatdagi sayyor qabuli bo‘lib o‘tmoqda.
Sayyor qabulda jamiyat boshqaruvi raisining birinchi o‘rinbosari Sherzod Sultonov ishtirok etmoqda. Tadbir davomida aholi va markazlashgan issiqlik ta’minoti iste’molchilarining murojaatlari qabul qilinib, ularda ko‘tarilgan masalalar atroflicha o‘rganilmoqda.
Qabul jarayonida issiqlik ta’minoti sohasiga oid muammolar, takliflar hamda savollar yuzasidan fuqarolar bilan ochiq muloqot o‘tkazilib, har bir murojaat bo‘yicha mas’ullar ishtirokida tegishli choralar belgilanmoqda. Joyida hal etilishi mumkin bo‘lgan masalalar bo‘yicha tezkor yechimlar ishlab chiqilmoqda, qo‘shimcha o‘rganish talab etiladigan murojaatlar esa nazoratga olinmoqda.
“Issiqlikta’minoti” AJ tomonidan aholi bilan to‘g‘ridan to‘g‘ri muloqotni yo‘lga qo‘yish, ularni qiynayotgan muammolarni o‘rganish hamda sohadagi xizmatlar sifatini yanada oshirish maqsadida sayyor qabullar muntazam tashkil etib kelinmoqda.
