Nukusda kogeneratsiya loyihasi muhokama qilindi

“Issiqlikta’minoti” AJ boshqaruv raisi Qoraqalpog‘iston Respublikasi Vazirlar Kengashi Raisining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari Timur Yusupov hamda “Qoraqalpog‘iston Respublikasida loyihalarni amalga oshirish markazi” loyiha ofisi direktori Berdax Jumamuratov bilan uchrashdi.

Uchrashuvda Nukus shahrida zamonaviy kogeneratsiya texnologiyalarini joriy etish, xususan, issiqlik va elektr energiyasini bir vaqtning o‘zida ishlab chiqarish loyihasini o‘z vaqtida hamda sifatli amalga oshirish mexanizmlari atroflicha muhokama qilindi.

Tomonlar loyiha doirasida amalga oshiiriladigan qurilish-montaj ishlari, uskunalarni yetkazib berish grafigi va issiqlik tarmoqlarini modernizatsiya qilish bosqichlarini ko‘rib chiqdilar. Loyihaning ishga tushirlishi Nukus shahri aholisini barqaror issiqlik ta’minoti va qo‘shimcha elektr energiyasi bilan ta’minlash, shuningdek, yoqilg‘i-energiya resurslarini tejashga xizmat qilishi ta’kidlandi.

Uchrashuv yakunida belgilangan vazifalarni o‘z vaqtida va samarali bajarish bo‘yicha hamkorlikdagi harakatlar rejasi kelishib olindi.