Samarqand shahrida Janubiy Koreyaning "KDHC" kompaniyasi va "Issiqlik ta’minoti ilmiy markazi" MCHJ hamkorligida "Issiqlikta’minoti" AJ hamda hududiy korxonalar mutaxassislari uchun texnik seminar tashkil etildi

Unda respublika bo‘ylab 40 ga yaqin muhandis va mutaxassislar ishtirok etdi.

Seminarda markazlashgan issiqlik ta’minoti tizimlarini raqamlashtirish, texnologik yo‘qotishlarni kamaytirish, qozonxonalarni avtomatlashtirish, energiya samaradorligini oshirish hamda nasos stansiyalarini modernizatsiya qilish bo‘yicha taqdimotlar o‘tkazildi. Shuningdek, amaliy keyslar tahlil qilinib, ishtirokchilar xalqaro ekspertlardan zarur tavsiya va tushuntirishlar oldilar.

Tadbir yakunida o‘quv dasturini muvaffaqiyatli tamomlagan barcha ishtirokchilarga sertifikatlar topshirildi. Seminar soha mutaxassislarining malakasini oshirish, xalqaro hamkorlikni mustahkamlash va ilg‘or texnologiyalarni joriy etishga xizmat qildi.