Buxoroda soha xodimlari o‘rtasida futbol musobaqasi o‘tkazilmoqda

Tizimda sog‘lom turmush tarzini targ‘ib qilish, xodimlar o‘rtasida jamoaviy muhit va o‘zaro do‘stona aloqalarni mustahkamlash maqsadida Buxoro viloyatida sport tadbiri tashkil etildi.

Xususan, “Buxoro viloyati Issiqlik ta’minoti” MCHJ hamda “Buxoroenergomarkaz” AJ xodimlari o‘rtasida futbol bo‘yicha o‘rtoqlik musobaqasi tashkil qilindi.

Qizg‘in va murosasiz kechgan bahslarda har ikki jamoa a’zolari yuqori sport mahorati va jamoaviy birdamlikni namoyish etishmoqda.

E’tiborlisi, soha xodimlarini qo‘llab-quvvatlash maqsadida ushbu bellashuvlarda “Issiqlikta’minoti” AJ boshqaruv raisi Ilhom To‘rayev ham ishtirok etdi va maydonga tushdi. Boshqaruv raisi ishdagi unumdorlikni oshirishda jismoniy faollikning o‘rni muhimligini qayd etdi.