“Issiqlikta’minoti” AJ boshqaruv raisining birinchi o‘rinbosari Sherzod Sultonovning Navoiy viloyatiga tashrifi doirasidagi navbatdagi manzil Zarafshon shahri bo‘ldi

Tashrif davomida viloyat “Issiqlik ta’minoti” MCHJning Zarafshon filialida 2026–2027-yillar kuz-qish mavsumiga tayyorgarlik doirasida amalga oshirilayotgan ishlar bilan yaqindan tanishildi. Jumladan, mavjud qozonxonalar, issiqlik tarmoqlari hamda texnik uskunalarning holati ko‘zdan kechirilib, rejalashtirilgan ta’mirlash va modernizatsiya ishlari yuzasidan mas’ullarning axboroti tinglandi. Shuningdek, aholi va ijtimoiy soha obyektlarini kelgusi mavsumda issiqlik energiyasi bilan ta’minlash maqsadida olib borilayotgan chora-tadbirlar muhokama qilinib, mavjud kamchiliklarni o‘z vaqtida bartaraf etish, ishlar sifatini oshirish hamda belgilangan vazifalarni muddatida yakunlash bo‘yicha tegishli topshiriqlar berildi.