O‘zbekiston markazlashgan issiqlik ta’minoti tizimlariga “yashil” texnologiyalar joriy etiladi

Bugun Toshkent xalqaro investitsiya forumi tadbirlari doirasida "Issiqlikta’minoti" AJ hamda Bolgariyaning qayta tiklanuvchi energetika sohasidagi yetakchi kompaniyalaridan biri “PV CONSULT-TS” o‘rtasida markaziy issiqlik tizimlarini modernizatsiya qilish va “yashil” energetikani rivojlantirish sohasida anglashuv memorandumi imzolandi. Unga ko‘ra Buxoro shahrida umumiy qiymati 10 million AQSH dollariga teng yirik pilot loyiha amalga oshiriladi. Shahardagi 3 ta yirik ijtimoiy obyektda  o‘rnatiladigan issiqlik nasoslari tizimini elektr energiyasi bilan qisman ta’minlash uchun umumiy quvvati 8 MVt bo‘lgan quyosh panellari o‘rnatiladi. Mazkur pilot loyiha ko‘zlangan natijalarni bersa respublikaning boshqa hududlarida ham ommalashtirish ko‘zda tutilgan.