Korrupsiyaga qo‘l urmang!

"Issiqlikta’minoti" AJ tizimida ochiqlik va shaffoflikni ta’minlash, sohada korrupsiyaviy omillarni bartaraf etishga alohida e’tibor qaratilmoqda. Joylarda korrupsiyaning oldini olish va oqibatlari haqida tushuntirish ishlari olib borilayapti. Ana shunday tadbirlardan biri Andijon viloyat “Issiqlik ta’minoti” MCHJ xodimlari uchun tashkil qilindi. Uchrashuvda issiqlik ta’minoti sohasida korrupsiyani keltirib chiqarishi mumkin bo‘lgan “nuqta”lar atroflicha tahlil qilindi. Mamlakatimizda korrupsiyaga oid jinoyatlar uchun javobgarlik kuchaytirilayotgani, uni sodir etishda aybdor deb topilgan shaxslarning elektron reyestri yuritilishi, mazkur reyestrga kiritilgan shaxslarga nisbatan ko‘plab cheklovlar belgilanayotgani borasida ma’lumotlar berildi.