“Issiqlikta’minoti” AJ boshqaruv raisi Jahon banki missiyasi vakillari bilan uchrashdi

Uchrashuvda asoisy e’tibor, “Markazlashgan issiqlik ta’minoti tizimlarida energiya samaradorlikni oshirish loyihasi” (DHEEP)ning joriy holati va istiqboldagi vazifalarga qaratildi. Loyiha qamrab olgan hududlar, Andijon, Chirchiq, Buxoro va Samarqand shaharlaridagi ijrosi muhokama qilinib, mavjud muammolar atroflicha tahlil qilindi. Shuningdek, yakuniy baholash hisoboti bilan bog‘liq keyingi qadamlar belgilab olindi.

Xususan, shartnomalar ijrosi, mablag‘larni o‘zlashtirish prognozlari hamda qo‘shimcha ish hajmi, bino va xonadon ichki tizimlarini yangilash bo‘yicha ishlarning borishi, shartnomalarni imzolash, maxsus hisobvaraqlarni ochish masalalari muhokama qilindi. Bundan tashqari, loyiha hududiga kirgan xonadon egalari o‘rtasida xabardorlikni oshirish lozimligi ta’kidlandi.

Tomonlar uchrashuv yakuni bilan hamkorlikni yanada jadallashtirishga kelishib olishdi.