Farg‘onada masalalar "xonadon"bay o‘rganilmoqda

“Issiqlikta’minoti” AJ ishchi guruhi Farg‘ona viloyatida aholiga ko‘rsatilayotgan issiqlik ta’minoti xizmatlari sifatini yanada yaxshilash, tizim faoliyatida shaffoflikni ta’minlash hamda iste’molchilarning to‘lov intizomini oshirish maqsadida uyma-uy yurib o‘rganish ishlarini olib bormoqda.
Ishchi guruh har bir xonadonga kirib, aholi bilan bevosita suhbatlar o‘tkazmoqda. Ularning taklif va murojaatlarini tinglab, mavjud masalalar yuzasidan fikrlarini o‘rganyapti.
Shuningdek, 2026–2027-yillar kuz-qish mavsumini barqaror va talafotlarsiz o‘tkazish uchun amalga oshirilayotgan ishlar, o‘tgan yili mavsumda yo‘l qo‘yilgan kamchiliklar tahlil qilinib, samaradorlikni oshirish asosiy maqsad qilingan.