"Issiqlikta’minoti" AJ Boshqaruvi raisining birinchi o‘rinbosari Sherzod Sultonov ishtirokida Xorazm viloyati aholisi uchun navbatdagi sayyor qabul tashkil etildi

Ochiq muloqot tarzida o‘tgan qabulda iste’molchilarning issiqlik ta’minoti tizimini yaxshilash, isitish mavsumiga tayyorgarlik va sohaga oid boshqa dolzarb masalalar bo‘yicha murojaatlari tinglandi.

Xususan, qarzdorlik va ularga hisoblangan penyalarni aniqlashtirish, to‘lov tizimi va hisoblagichlar (schyotchiklar) bilan bog‘liq masalalar, xizmat ko‘rsatish sifati va issiqlik bosimi, shartnomaviy majburiyatlar va imtiyozlar bilan bog‘liq murojaatlar kelib tushdi.

Ko‘tarilgan masalalarning aksariyati joyida hal etilgan bo‘lsa, vaqt talab qiladigan vazifalar bo‘yicha hududiy mas’ullarga topshiriqlar berildi va ijrosi nazoratga olindi.