"Issiqlikta’minoti" AJ vakillari Koreya Respublikasida malaka oshirmoqda

"Issiqlikta’minoti" AJ hamda Koreya markazlashgan issiqlik ta’minoti korporatsiyasi o‘rtasida hamkorlik aloqalari izchil rivojlanmoqda. Ayni paytda ikki tomonlama hamkorlikdagi Bilim almashish dasturi (KSP) doirasida "Issiqlikta’minoti" AJning markaziy apparati hamda hududiy korxonalar mutasaddi xodimlari Koreya Respublikasida amaliy va nazariy o‘quv dasturida ishtirok etmoqda.Tashrif doirasida Koreya markazlashgan issiqlik ta’minoti korporatsiyasida KSP 3-bosqich loyihasining oraliq hisobot yig‘ilishi bo‘lib o‘tdi. Yig‘ilishda loyihaning istiqbolli yo‘nalishlariga bag‘ishlangan keng qamrovli taqdimot o‘tkazildi. Unda KSP loyihasining umumiy tavsifi bilan bir qatorda, biomassa asosidagi kogeneratsiya stansiyasi hamda mustaqil energiya tizimi loyihalarining dastlabki texnik-iqtisodiy asoslari tahlil qilindi.Shuningdek, delegatsiya a’zolari ishlab chiqarish korxonalariga borib jarayonlar bilan bevosita tanishmoqda.