Navoiy shahrida issiqlik tarmoqlarini yangilashning yakuniy bosqichi

Navoiy shahrida kuz-qish mavsumiga puxta tayyorgarlik ko‘rish, issiqlik ta’minoti barqarorligini ta’minlash hamda mavjud tarmoqlarni modernizatsiya qilish ishlari izchil davom etmoqda.

Ayni kunlarda Navoiy ko‘chasida jami 1 982 metr zamonaviy PPU quvurlarini o‘rnatish ishlari yakuniy bosqichga yetdi. Jumladan, 396 metr diametri 530 mm hamda 1 586 metr diametri 377 mm bo‘lgan issiqlik quvurlari yangilanmoqda.

Mazkur ishlar jarayonini mas’ul mutasaddilar joyiga chiqqan holda ko‘zdan kechirdi. Amalga oshirilayotgan ishlar holati bilan tanishib, belgilangan vazifalarning sifatli va o‘z vaqtida yakunlanishiga alohida e’tibor qaratdi.